د پارکونو او ګلدانونو د خروبولو چارې په منظم ډول جریان لري

د مهترلام ښاروالۍ د تنظیف او سرسبزۍ مدیریت له لوري د ښار د ښکلا او سرسبزه ساتلو په موخه د پارکونو، شنو ساحو او ښاري ګلدانونو د خروبولو چارې د ټاکل شوي پلان له مخې په منظمه توګه هره ورځ ترسره کېږي
نن د یاد مدیریت مسؤلینو له لوري د دغو فعالیتونو مستقیم نظارت ترسره شو، ترڅو ډاډ ترلاسه شي چې خروبول، د نباتاتو ساتنه او د سرسبزۍ پروسه د معیارونو سره سم پرمخ روانه ده
د مهترلام ښاروالۍ د تنظیف او سرسبزۍ مامور انجنیر ریحان الله اریان چې نن یې نظارت ترسره کوه وې ویل، د سرسبزۍ دا هڅې نه یوازې د ښار ښکلا زیاتوي، بلکې د ښاریانو رواني آرامتیا، د هوا پاکوالی او د ژوند چاپېریال ښه کولو کې هم مهم رول لري