د اولس میلیونه افغانیو په لګښت د دسرک، ویالو، استنادي دیوالونو ستره پروژه تر بشپړیدو وروسته ګټې اخیستنې ته وسپارل شوه.
دغه د (۱۲۳۰) متره په طول سرک او د سرک د غاړو ویالو، د (۸۵۰) متره استنادي دیوال، د (۶۷۰) متره احاطوي پروژه چې د کابل جلال اباد د هډې هموارکاري هم په کې شامله ده، نن د مهترلام ښاروالۍ له لوري، د مهترلام ښار، ده زیارت اړوند د شګۍ قلع په سیمه کې د شپږو میاشتو په موده کې د ختیځ نیازي شرکت په مرسته تر جوړېدو وروسته، د مهترلام ښاروال انجنیر نظیف الله الکوزي، د اقتصاد د رئیس انجنیر شفیق الله احساس، د بیړنیو پیښو سره د مبارزې د رئیس انجنیر جاوید نیازي، د کرنې رئیس انجنیر محمد جمیل خوشال، د مشورتي بورد د مرستیال او غړو، د مهترلام ښاروالۍ اداري کارکوونکو، د قومي مشرانو، ځوانانو، او مدني فعالانو په لاسونو ګټې اخیستنې ته وسپارل شوې.
پیل کې مهترلام ښاروال د یاد سرک، ویالو او استنادي دیوالونو دلومړي پړاو په اړه د مراسمو ګډونوالو ته معلومات وړاندې کړل او په دغه سیمه کې یې د سرک، ویالو استنادي دیوالونو او د معیاري هډې جوړېدو په اهمیت خبرې وکړې.
ښاغلي الکوزي وویل، د کابل جلال اباد د هډې معیاري کمپلکس سترې رغنیزې پروژې چارې په ۴۰ جریبه ځمکه کې روانې دي چې درې فیزونه (پړاوونه) لري، چې د فیزونو (پړاوونو) له جملې یې د سرک، استنادي دیوالونو او ویالو لومړي پړاو سره به د سیمې ستونزه تر ډیره حل شي او د یادې سیمې ولسونه به د سیلابونو او نورو ستونزو څخه وژغورل شي.
ورپسې د مشورتي بورد مرستیال/غړو، مخورو مشرانو د یادې پروژې د جوړیدو له امله خوښي ښکاره کړه او مهترلام ښاروالۍ مشرتابه څخه یې غوښتنه وکړه چې د پروژو په ساتنه کې هم د عامو خلکو سره ګډ کار وکړي.
مشورتي بورد مرستیال د پرانستې پر مهال وویل: موږ د مهترلام ښاروالۍ له رهبرۍ سره په دې هڅه کې یو چې په لغمان ولایت کې ټولې تر کار لاندې پروژې په ښه ډول جوړې او په معیاري ډول ګټې اخیستنې ته وسپارل شي.
۱۳۹۹/۶/۲۲
#اداره ـ #مستقل ـ #ارګانهایي ـ #محلی
#دسیمه ـ #ییزو #ارګانونو ـ #خپلواکه #اداره
شاروالی - مهترلام
