لغمان کې د مهترلام ښاروالۍ له لوري د څه باندې (۲۱) یوویشت میلیونو افغانیو په ارزښت په R4 پلاني ساحه کې دویم ستر سوداګریز مارکېټ ګټې اخیستنې ته وسپارل شوو.
ددغه مارکېټ د ګټې اخیستنې په مراسمو کې د لغمان مرستیال والي الحاج شهزاده مظلوم سربېره مهترلام ښاروال انجنیر نظیف الله الکوزي، د ملي امنیت رئیس ډګروال محمود صمیمي، د یو شمېر ادارو رئیسانو، قومي مشرانو او ځوانانو ګډون کړی وو.
د مهترلام ښاروال انجنیر نظیف الله الکوزي د معلوماتو له مخې چې د ۲۱ میلیونه افغانیو په ارزښت یې په نیم جریب ځمکه کې د یوه نیم کال په موده کې جوړ شوی سوداګریز مارکېټ نن ګټې اخیستنې ته وسپاره.
هغه وویل په مهترلا ښار کې یې د رغونې لړۍ چټکه کړې او ډیر ژر به یو شمېر نورې پروژې هم پیل کړي.
په ورته مهال د لغمان مرستیال والي الحاج شهزاده مظلوم یار خوښي اوښوده چې په دې ولایت کې د رغونې لړۍ په خورا ښه شکل روانه ده.
نوموړی وایي،چې په دې ولایت کې ولسونو او امنیتي ځواکونو په ملاتړ رغونې لړۍ چټکه ده او تمه ده چې لا نوره هم چټکه شي.
۱۳۹۹/۸/۲۸
