د سيمه ييزو ارګانونو خپلواکې ادارې، د ښاروالیو مرستيال ښاغلي ډاکټر صبغت الله، ولس او ولايتي ادارې ته د لغمان ولايت د نوي والي ښاغلي عبدالولي واحدزي له پېژندنې وروسته مهترلام ښاروالۍ څخه ليدنه وکړه
په دې لیدنه کې ښاغلي مرستيال لومړی مهترلام ښاروال مجاهد رحمت زي سره وکتل؛ ښاغلي رحمت زي د ښاروالیو مرستيال ته هرکلی ووایه او بيا یې د ښاروالۍ اړوند ډيزاين شوې برنامې، لاسته راوړنې، ستونزې او غوښتنې، ښاغلي مرستيال سره شريکې کړې.
د ښاروالیو مرستيال، د مهترلام ښاروالۍ اړوند، ددې ښاروالۍ له مشر مجاهد رحمت زي څخه، د ښار د انکشاف، سمسورونې، عصري کولو او معياري کولو په موخه وړانديزونه، ستونزې او لاسته راوړنې واوريدې، د ډيزاين شوو برنامو هرکلی یې وکړ، د ستونزو د حل ډاډ يې ورکړ او د ترسره شوو، چارو يې ستاېنه وکړه.
ورپسې ډاکټر صبغت الله د مهترلام ښاروالۍ اداري پرسونل سره هم وکتل، دوی سره يې پر لاسته راوړنو او ستونزو بحث وکړ.
د ښاروالیو مرستيال اداري پرسونل زيات کار کولو ته وهڅوه، کاري برخه کې يې ورته مسلکي لارښوونې وکړې او د وطن په ابادۍ کې یې د دوی رول مهم وباله.
په پای ښاغلي مرستيال، د مهترلام ښاروال په ملتيا د کارموندنې پروګرام له مسولینو سره هم وکتل او دوی يې د کارموندنې برنامې غوره تطبيق لپاره تشويق کړل او د هر راز همکارۍ ډاډ يې ورکړ
