د پشه یو په مسیر د سرک دوه لینه کولو په موخه د استملاک کمیټې خپلې لومړۍ ناسته ترسره کړه
د مهترلام ښاروالۍ د ښاري پراختیايي پلان له مخې، د کابل ـ جلالآباد له زړې هډې څخه تر تیرکړیو پله پورې د سرک دوهلینه کېدو په موخه د استملاک کمېټې لومړۍ ناسته ترسره شوه
یاده ناسته د مهترلام ښاروالۍ په مقام کې د اړوندو ادارو د یو شمېر رئیسانو او استازو په حضور کې جوړه شوې وه
په دې ناسته کې د استملاک کمېټې غړو د یاد مسیر پر سر واقع شویو ځمکو د قیمتګزارۍ په اړه خپل نظریات شریک کړل او د استملاک بهیر د قانوني او اصولي چوکاټ پر بنسټ پیل شو
د ناستې ګډونوالو ټینګار وکړ چې دا بهیر به د خلکو له حقونو سره د بشپړ درناوي، شفافیت او عادلانه قیمتګزارۍ په اساس پر مخ وړل کېږي
د یادونې وړ ده چې د سرک دوهلینه کېدل به د ښاریانو د تګ راتګ اسانتیا، د ترافیکي ګڼې ګوڼې کمښت او د پېښو مخنیوي کې مهم رول ولوبوي
