د ښار د پاک او منظم ساتلو په موخه د مهترلام ښاروالۍ د تنظیف کارکوونکو د فعالیتونو دوام
د مهترلام ښاروالۍ د تنظیف زیارکښو کارکوونکو د ښاري پاکوالي او روغتیایي چاپېریال د خوندي ساتلو په موخه، د ښار د لومړۍ او دویمې ناحیو اړوند ساحو کې خپل فعالیتونه ترسره کړل
یادو فعالیتونو کې د ویالو د پاک کارۍ، د کثافاتو راټولولو او د کثافت دانیو تشولو چارې ترسره شوې، د الینګار په مسیر د زړې ښاروالۍ د مخې سرک غاړې ویالې چې د کثافاتو او خټو له امله بندې شوې وې، له هر ډول خنډونو پاکې شوې، همداراز، د دویمې ناحيي له ګڼو سیمو څخه ډکې شوې کثافت دانۍ خالي کړل شوې، او ټول راټول شوي کثافات او د قربانۍ پاتې شوني یو لیرې، مشخص ځای ته انتقال او د اصولو مطابق دفن شول
د یادونې وړ ده چې د مهترلام ښاروالۍ د تنظیف زیارکښ کارکوونکي هره ورځ ښاریانو ته د یو پاک، روغ او منظم چاپېریال برابرولو په موخه خپل پراخ فعالیتونه ترسره کوي
