مهترلام ښاروال د مهترلام ښاروالۍ پورې اړوند د خدماتې او تنظیفاتی برخی له دریورانو او عمله کارانو سره له نږدی ولیدل او د هغوې ستونزې یې واوریدلې
دوشنبه د دلوی په دوه ویشتمه نیټه مهترلام ښاروال مجاهد رحمت زي او ورسره مل مالی او اداري امر مطیع الله عظیمې او د ښاروالۍ اړوند مدیرانو د ښاروالی له دریوانو او د تنظیف برخې له عمله کارانو سره ولیدل.
په پيل کی مهترلام ښاروال ښاغلي رحمت زي وویل: دا چی لغمان زموږ مشترک کور دې اود هغه پاک ساتل زموږ د هر وګړي مسوولیت دی یو پاک ښار د هغه د میشتو خلکو د ښه فرهنګ ښکارندوی کوی او باید تر خپلی وسی کوښښ وکړو چې ښار پاک وساتو او نورو ته لارښوونه وکړو تر څو د ښار په ښکلا کې خپله برخه واخلې.
ورپسې د عمله کارانو له لورې مهترلام ښاروال څخه غوښتنه وشوه ترڅو هغوې ته د تنظیفاتی برخې وسایل چې دوي یې له کمبود سره مخامخ دي پوره کړي چې په دې برخه کې مالی اوادارې امریت ته سپارښتنه وشوه تر څو هر څومره ژر چې کیږی دغه ستونزه حل شي.
همدارنګه هغه وسایط چې تخنیکي مشکل لری او د ښار او اړوند نواحیو کثافات مشخص شوی مکان ته انتقالوی ژر ترمیم شی اولازم سهولتونه دی دغی برخی ته برابر شي.
په پاې کې د یادی برخې مسوولینو او خدماتی کارکوونکو په یوه خوله د سپارل شوی دندی د لا ښه پر مخ وړلو لپاره مهترلام ښاروال او ښاریانو ته ډاډ ورکړ چی په هر ډول شرایطو کې خپلو دندو ته ژمنتیا لرې.
په درنښت
۱۳۹۹/۱۱/۲۲
#مهترلام_ښاروالۍ_مطبوعاتي_څانګه
