په دویمه ناحیه کې د ۲۸۰ متره په اوږدوالي د سړک غاړې د ویالو د کانکریټ اچونې چارې روانې دي
د مهترلام ښاروالۍ له لوري د لغمان د کډوالو چارو ریاست ترڅنګ په دویمه ناحیه کې د سړک غاړې د ویالو د کانکرېټ اچونې چارې په منظم شکل د پلان له مخې روانې دي،
دغه پروژه چې د مهترلام ښاروالۍ له داخلي بودجې ترسره کېږي د ۱۴۰ متره په اوږدوالي او د ۱۴ متره په پلنوالي د سړک کانکریټ اچول او دواړه خواوو ته ویالې جوړول شامل دي، چې کارونه یې د مسلکي او باتجربه انجنیرانو په شتون کې روان دي،
د یادونې وړ ده چې په دغه پروژه کې په ورځني ډول ۲۵ کسانو ته د کار کولو زمینه هم برابره شوې ده
