د دویمې ناحیې اړوند له یو شمېر فابریکو څخه نظارت ترسره شو
د مهترلام ښاروالۍ د دویمې ناحیې مدیر مولوي عبدالرحمن مزمل له لوري د یادې ناحیې اړوند له یو شمېر فابریکو څخه د پاک او منظم چاپېریال د تأمین په موخه نظارتي لیدنه ترسره شوه
د لیدنې پر مهال د ناحيې مدیر مولوي عبدالرحمن مزمل د فابریکو مسؤلینو ته سپارښتنه وکړه، چې د چاپېریال پاکوالي، نظم او حفظ الصحې اصولو ته ځانګړې پاملرنه وکړي او د خپلو فعالیتونو ترڅنګ د شاوخوا سیمو د پاک ساتلو په برخه کې هم مسؤلیت ادا کړي
نوموړي وویل، چې د پاک او سالم چاپېریال رامنځته کول د ټولو ګډ مسؤلیت دی او ښاروالۍ به په دوامداره توګه له فابریکو او نورو تولیدي مرکزونو څخه نظارت کوي، ترڅو د چاپېریالي اصولو د مراعات او ښاري نظم ډاډ ترلاسه شي
