دمرستیال والي په مشرۍ د خپلواکۍ ۱۰۱ کالیزې لا ښې نمانځنې په موخه د چمتوالي تعقیبي ناسته ترسره شوه.
نن د سه شنبې په ورځ د زمري په ۲۱ نېټه د لغمان ولایت مرستیال والي الحاج شهزاده مظلوم یار په مشرۍ د خپلواکۍ ۱۰۱ کالیزې ښې نمانځې په موخه د چمتوالي تعقیبي ناسته ترسره او مسوولینو ته د کارونو منظم والي په موخه لازمې لارښوونې او سپارښتنې وشوې.
په دې ناسته کې دغه راز د ټاکل شویو بېلا بېلو کاري کمېټو دندې، مسوولیتونه او نورې برخې تشریح شوې.
مرستیال والي دغه راز د خپلواکۍ د ورځې په ارزښت هر اړخیزې خبرې وکړې او ددې ورځې ښه نمانځل یې خورا مهم یاد کړل.
ښاغلي مظلوم یار د سولې مشورتي لوی جرګې بریالۍ ترسره کېدو له امله خوښي اوښوده او په هېواد کې یې د تل پاتې سولې لپاره د ستر رب دربار ته د دعا لاسونه هم لپه کړل.
۱۳۹۹/۵/۲۱
#دلغمان #ولایت #درسنیو #اواړیکو #دفتر
