د خواشینی پیغام
د افغانستان د اسلامي جمهوري دولت د عالي مقام د ځانګړي استازي، او ملي تجار ارواښاد محمد یوسف غضنفر د وفات په مناسبت دمهترلام ښاروال د خواشینۍ او ډاډګېرنې پیغام!
بسم الله الرحمن الرحیم
په خورا ډېرې خواشینۍ سره خبر شو، چې د اقتصادي پراختیا، تجارتي چارو او د فقر د لمنځه وړلو په برخه کې د افغانستان د اسلامي جمهوریت ځانګړی استازی او د هېواد ملي تجار محمد یوسف غضنفر د ورپېښې ناروغۍ له امله د تل لپاره له دې فاني نړۍ څخه سترګې پټې کړې.
انا لله وانا الیه راجعون
ارواښاد غضنفر د ګران هېواد افغانستان یو وتلی ملي تجار او سیاسي شخصیت وو، چې د خپل هېواد، خاورې او ولس د ښېرازۍ او سوکالۍ لپاره یې سترې هیلې له ځانه سره درلودي، د ارواښاد غضنفر مړینه د هېواد په اوسنیو شرایطو کې ستره ضایعه بولم.
زه په دې درانه غم کې د ټولو درنو هېوادوالو سره ځان شریک بولم، ارواښاد ته د جنت الفردوس، درنې کورنۍ او د افغانستان ټول عظیم ملت ته له خپله اړخه د تسلیت مراتب وړاندې کوم.
بشپړ درناوی
انجينرنظيف الله ( الکوزي )
دمهترلام ښاروال
