د روژې مبارکې میاشتې د رارسېدو په مناسبت پیغام!
د ټول افغانستان په ځانګړي ډول د لغمان ولایت د مهترلام ښار درنو اوسیدونکو، تاسو ټولو ته د روژې مبارکي میاشتې د رارسېدو په مناسبت مبارکي یم، څښن تعالی دې راروانه روژه په ټول افغانستان کې د سرتاسري سولې، پرمختګ او یووالي سبب وګرځوي.
درنو سوداګرو، هټیوالو او ښاریانو!
موږ په دې راروانه میاشت کې د نرخونو کنټرول لپاره ځانګړي تدابیر لرو، دغه راز مو ددې برخې لپاره یوه ځانګړې کمېټه هم ټاکلې ده، چې دا کمېټه به د نرخو کنټرول لپاره منظم کار کوي.
له تاسو سوداګرو، هټیوالو او ښاریانو څخه مې هم غوښتنه ده، چې د پاک رب د رضا لپاره په دې برخه کې په خپلو ولسونو شفقت وکړئ او په دې ماموریت کې له موږ سره لازمه همکاري وکړئ، ترڅو ستاسو درانه ولسونه او پاک رب درڅخه راضي شي.
په درنښت
مجاهد رحمت زی
مهترلام ښاروال
