د سبزي مارکیټ دوکاندارانو ته سپارښتنه وشوه چې د نرخنامې مطابق په خپلو ټاکلو ځایونو کې جنسونه وپلوري
د مهترلام ښاروالۍ مرستیال الحاج عبدالطیف اخندزاده چې د دویمې ناحيې مدیر مولوي عبدالرحمن مزمل یې ملتیا کوله د مهترلام ښار د سلطان غازي بابا ښارګوټي اړوند د سبزي مارکیټ له دوکاندرانو سره ناسته ترسره کړه
په یاده ناسته کې اخندزاده د سبزي مارکیټ دوکاندارانو ته سپارښتنه وکړه چې د نرخنامې مطابق په خپلو ټاکلو ځایونو کې جنسونه وپلوري
نوموړي ټينګار وکړ چې د ښاروالۍ له لوري کوم ځایونه دوکاندرانو ته ورکړل شوي باید په هماغه ځایونو کې د نرخنامې مطابق خپل پیر او پلور وکړي
د ناحيې مدیر مولوي عبدالرحمن مزمل وویل چې دی به وخت پر وخت له مارکیټ څخه څارنه کوي، د نرخنامي سرغړونکو سره به قانوني چلند کېږي چې بیا حق د شکایت نه لري
