د لغمان مرکز مهترلام، بابا صیب دښته کې په څه باندې ۸ جریبه ځمکه کې د اسحاق ننګیال په نامه پارک ګټې اخیستې ته وسپارل شو

ددغه پارک د لومړي فاز کارونه په څلورو میاشتو کې ختم شوي، او د سر سبزۍ کارونه به یې له دې وروسته شروع شي. ددغه پارک ټول لګښت پنځه نیم میلونه افغانۍ دی چې راتلونکي کارونه به یې هم په نږدې راتلونکي کې شروع او په ښه کیفیت به د سیلانیانو د سرګرمۍ ځای شي. د مهترلام ښاروال انجینر نظیف الله الکوزی وايي چې دغه پارک یې ځکه د اسحاق ننګیال په نامه ونوموه چې فکر یې لا ژوندی پاتې شي او نوم یې همداسې د خلکو په خولو وي.

ددغه پارک له جوړیدو او د اسحاق ننګیال په نامه کېدو څخه د مرکز مهترلام اوسیدونکي هم خوښ دي دوی وايي چې اسحاق ننګیال د شعر او ادب برخه کې ستره پانګه ولس ته پریښي چې باید نوم یې لا ژوندی وي.

ددې تر څنګ ددغې سیمې اوسیدونکي هم خوشحاله دي چې د سرګرمۍ لپاره ورته داسې پارک جوړیږي. دوی وايي په دښتو کې د شنو بوټو کینول او زرغونول د سیمې د ښکلا تر څنک د خلکو په ذهنونو هم ښه تاثیر غورځولی شي.

په درنښت

#مهترلام_ښاروالۍ_مطبوعاتي_څانګه