د مهترلام نوي ښاروال مجاهد رحمتزي رسما خپله دنده پیل کړه!
د مهترلام ښار لپاره د نوي ښاروال ښاغلي رحمتزي د دندې د پیل په مراسمو کې، لغمان والي رحمت الله یارمل، د مشرانو جرګې استازي سناتور میرحاتم تره خیل، د ولسي جرګې استازي رفیع الله مموزي، یو شمیر اداري رئیسانو، ولسي مشرانو او ځوانانو ګډون درلود.
ټولو راغلو مشرانو دمهترلام نوي ښاروال مجاهد رحمتزي ته لومړی مبارکي ورکړه او د مبارکۍ ترڅنګ یې ډاډ ورکړ چې دوۍ ورسره په ټولو چارو کې همکار دي.
مهترلام نوي ښاروال له راغلو مشرانو څخه هم مننه وکړه چې د مبارکۍ ترڅنګ یې د چارو د سنبالښت په برخه کې ډاډ ورکړ.
د دندې د پیل په پر مهال ښاغلي رحمتزي وویل: ((د مهترلام ښار ولسونه او ښاریان زما سر سترګې دي، زه او زما د ادارې پرسونل به (۲۴) ساعته د ښاریانو په چوپړ کې یو او له ولسونو مې غوښتنه ده چې ښاروالۍ سره په هره برخه کې مرسته وکړي ترڅو هر اړخیزه ستونزو ته د پای ټکی کیږدو)).
پای کې مهترلام نوي ښاروال ته د بریا په لاسونو لپه کړل شول.
