د مهترلام نوي ښاروال مجاهد رحمتزي په مشرۍ لومړنۍ اداري ناسته ترسره شوه
دغه ناسته نن د لوي په (۱۸) نیټه د قران عظیم الشان په مبارکو ایاتو پیل شوه، چې هدف یې د مهترلام ښاروالۍ ریاست له امرینو، مدیرانو او مامورینو سره کاري پیژندنه وه.
په سر کې مهترلام نوي ښاروال ښاغلي مجاهد رحمتزي خپل تعرف وکړ او د ناستي د پيل خبرې وکړې.
مهترلام ښاروال وویل: د ناستې هدف مو په کاري چارو کې د یو بل پیژندنه او خپلو راکړل شویو دندو ته د ژمنتیا اظهار ده، داچې ښاریان له ښاروالۍ سره مستقیمې اړیکي لري، د مهترلام ښاروالۍ پرسونل هم مکلف ده چې په خپلو شعبو کې د مراجعین سره د نیک چلند ترڅنګ، د هغوۍ کارونه پر وخت او زمان خلاص کړي.
ورپسې د مهترلام ښاروالۍ امرینو، مدیرانو او مامورینو په خپل وار سره مهترلام ښاروال ښاغلي رحمتزي ځان ور وپیژنده او خپله کاري برخه یې ورته تشریح کړه.
پای کې د مهترلام ښاروالۍ ټول پرسونل مهترلام ښاروال ته د یو ځل بیا مبارکۍ ترڅنګ ژمنه او ډاډ ورکړ چې په ټول چارو کې به ګړندي ګامونه اخلي او ورسپارل شوي دندې به پر وخت ترسره کوي
#مهترلام_ښاروالۍ_مطبوعاتي_څانګه
