د مهترلام ښاروالۍ د باقیاتو راټولولو لړۍ د تیرکال په پرتله چټکه شوې ده
د مهترلام ښاروالۍ د عوایدو مدیریت تحصلي مامور رحمن الله احمدي وايي، چې سږکال یې په مهترلام ښار کې له کرایه جاتو، ښاري خدماتو او د غرفو له قراردادونو څخه ۵ میلیونه افغانۍ باقیات راټول کړې دي
نوموړی وايي، چې د تیرکال په پرتله یې سږکال یو میلیون زیات باقیات راټول کړې او لا هم دغه لړۍ په منظم شکل روانه ده
همداراز بیا سږکال د مهترلام ښاروالۍ د جواز ورکولو په عوایدو کې هم ۵۰ سلنه زیات والی راغلی چې تیرکال له یادې برخې څخه ۲ او سږکال ۴ میلیونه افغانۍ عواید راټول شوي دي
