د مهترلام ښاروالۍ له داخلي بودیجې د دارالمعلمین په مسیر د سړک رغنیزې چارې روانې دي
د مهترلام ښاروالۍ د بیارغونې پروژو له مخې، د ښار د لومړۍ ناحیې اړوند دارالمعلمین په مسیر کې د ۲۰۰ متره په اوږدوالي د سړک د رغونې چارې د مهترلام ښاروالۍ له داخلي بودیجې پیل شوي او دا مهال یې %۱۵ سلنه کارونه بشپړ شوي او پاتې چارې یې د پلان له مخې په منظم شکل جریان لري
د یاد سرک جوړیدل به نه یوازې د سیمې د اوسېدونکو لپاره د تګ راتګ اسانتیاوې برابرې کړي، بلکې د ترافیکي ستونزو او پیښو د مخنیوي په برخه کې به هم مهم رول ولوبوي
د یادونې وړ ده چې اوس مهال په دغه پروژه کې شاوخوا ۲۰ کسانو ته د کار کولو زمینه هم برابره شوې ده
