د مهترلام ښاروالۍ له لوري د پارکونو د نیالګیو د چونه کولو چارې پیل شوې
د مهترلام ښاروالۍ د تخنیکي او مسلکي آمریت تر چتر لاندې د تنظیف او سرسبزۍ مدیریت له لوري د پارکونو د نیالګیو د چونه کولو پروګرام پیل شوی چې ټول پارکونو نیالګي به په منظم ډول چونه کړل شي
یاده چاره په دې موخه ترسره کېږي تر څو نیالګي له موسمي ناروغیو او حشراتو څخه خوندي وساتل شي
د ښاروالۍ د تنظیف او سرسبزۍ مدیر حاجي شفیع الله نیازي چې مامور عزت الله یې ملتیا کوله وې ویل، چې یاد پروګرام د مهترلام ښاروال الحاج مولوي رحمت الله شهامت په ځانګړې لارښونه عملي کېږي، او د ښار په ټولو پارکونو او شنو ساحو کې به د نیالګیو چونه کول په منظم ډول ترسره شي
یاده دې وي چې د تنظیف او سرسبزۍ مدیریت له لوري هره ورځ د پلان له مخې د نیالګیو او پارکونو د خړوبولو چارې هم ترسره کېږي، ترڅو پارکونه او نیالګي سرسبزه اوسي
