د مهترلام ښاروال مجاهد رحمت زي په مشرۍ ښاري کمېسيون غړي په ښار کې وګرځېدل، يو شمېر بندې لارې يې خلاصې کړې او هټيوالو ته يې د ښاري نظم راوستلو او پاکوالي اړوند توصيې هم وکړې.
مهترلام ښاروال، چې د ولايت مقام، امنيې قوماندانۍ، ملي امنيت، ترافيک، ترانسپورټ، د مدني ټولنې استازي، د مسافر وړونکو اتحاديې غړو، د اصنافو، لاس پلورونکو او يو شمېر اړوند ادارو نماينده ګانو يې ملتیا کوله، مهترلام ښار کې وګرځېد، د ښاري نظم، پاکوالي او د هډو تنظيم اړوند يې مسؤلو کسانو ته لارښوونې وکړې، ددې ترڅنګ يې هټيوالو ته، قانون څخه د سرغړونې په خاطر، توصيې هم وکړې.
دا رنګه، ښاري کمېسيون غړو يو شمېر هټيوال، د ښاروالۍ اصولو څخه د سرغړونې په خاطر جریمه هم کړل.
ښاري کمېسیون به کرونا ناروغۍ سره د مبارزې، د خلکو ګڼې ګوڼې د کمولو، د ښار او هډو د تنظيم په موخه په ورځني ډول ښار ته وځي، په ښې همغږۍ او په متداوم شکل به د ښار کنټرول لپاره هلې ځلې کوي.
