د مهترلام ښاروال مجاهد رحمت زي د لغمان نوي امنیې قوماندان سمونوال لطف الله کامران ته د نوې دندې مبارکي وويله
لومړی مهترلام ښاروال هرکلی ووایه او بیا يې د نوې دندې مبارکي ورته وويله؛ مهترلام ښاروال امنیې قوماندان سره په کاري برخه کې پر ګډې همغږۍ ټينګار وکړ او زياته يې کړه، چې امنیې قومندانۍ او ښاروالۍ به په ښاري نظم او د غصب مخنيوي کې د تېر په څېر غوره همکاري کوي.
نوي امنیې قوماندان سمونوال لطف الله کامران مهترلام ښاروال ته د هر راز همکارۍ ډاډ ورکړ او ژمنه يې وکړه، چې د ښاري نظم، د زورواکانو د ځپلو او د غاصبينو مخنيوي په برخو کې به ښاروالۍ سره لازمه همکاري کوي.
په پای کې مهترلام ښاروال مجاهد رحمت زي نوي امنیې قوماندان ته د هرکلي او ستړي مشي په موخه د اعزاز لونګۍ هم ور په سر کړه
