د ښاروالیو قانون
دویم فصل
د ښارولیو تشکیل
د ښارولیو رامنځته کول
څلورمه ماده :
(۱)ښاروالي د لاندې شرایطو په پام کی نیولو سره رامنځته کیږي:
۱- لږترلږه د لس زره تنو نفوس لرل.
۲- لږتر لږه د پنځه کیلو متره مربع مساحت لرل .
۳- په دی هکله چې ښاروالې په دې قانون او نورو تقنیني سندونو کی د درج شوو دندو د اجراء اود واکونو د اعمالولو لپاره د مالی او عملیاتي ظرفیت لرونکې ده د ښاري پراختیا د عالي شوري تصمیم .
(۲) ښاروالي ددې مادې په (۱) فقره کې د درج شوي حکم په پام کې نیولو سره د سیمه ییزو ارګانونو د ادارې په وړاندیز او د افغانستان اسلامي جمهوریت د کابینې په تصویب له اړوندې مقررې سره سم رامنځته کیږي.
(۳) ښاروالۍ مکلفې دي اړوند تشکیل کال په کال د اړوندې ښاروالۍ د مجلس له تأیید وروسته د پړاوونو د تیرولو په غرض د سیمه ییزو ارګانونو ادارې ته وړاندې کړی د کابل ښاروالي له دې حکم څخه مستثني دی
(۴) ښاروالي عامه حکمی شخصیت دی چې د ښاري چارو د ادارې او د خدمتون د وړاندې کولو په منظور فعالیت کوي او خپلو دندو اجراء اود واکونو په اعمالولو کې ددي قانون حکمونه ،نور تقنیني سندونه او لاندې اصول رعایتوي:
۱- د ښار د اوسیدونکو او ښاروالۍ تر منځ د اعتماد او حساب ورکولو زیاتوالی .
۲- د باکیفیته خدمتونو د وړاندې کولو د زمینې برابرول .
۳- په ښار کې د بیوزلۍ کمښت .
۴- په ښارکې د پایداره اقتصاد پیاوړتیا ،د صنعت پرمختیا او د کارموندنې د زمینې برابرول .
#مهترلام -ښاروالي
