لغمان کې د مهترلام ښاروالۍ له لوري د ۵ میلیونه افغانیو په ارزښت د دریو پروژو چارې پیل شوې

web_admin
چهارشنبه ۱۴۰۳/۸/۹ - ۹:۱۸
درې پروژې

نن په همدې موخه د مهترلام ښاروالۍ له لوري یو لړ مراسم نیول شوي ؤ چې د لغمان والي شېخ شیر احمد حقاني ترڅنګ مهترلام ښاروال الحاج مولوي رحمت الله شهامت، د لعمان د بېلا بیلو ادارو مسؤلینو، د اصنافو رئیس د مشورتي بورډ غړو او ولسي خلکو پکې ګډون کړی ؤ مهترلام ښاروال وویل: د سږکال پروژو په دوام مو نن یو ځل بیا د پنځه میلیونه افغانیو په ارزښت د دریو جلا جلا پروژو چارې پیل کړي، چې په یادو پروژو کې د سلطان غازي بابا ښارګوټي دروازې څخه تر شهید عبدالله پښتون چوک پورې برېښنايي تنویري پايي لګول، دوه ژورې څاه ګانې او شل کثافت دانۍ شاملې دي نوموړي وویل: سږکال مهترلام ښاروالۍ د سل میلیونه افغانیو په ارزښت په مهترلام ښار کې مختلفې غټې او وړې ساختماني پروژې تطبیقوي، چې تر دې دمه د نهو پروژو چارې بشپړې شوي، پنځه تر کار لاندې دي، درې نن پیل شوې او نورې به هم په پرلپسې ډول شروع شي لغمان والي، د داسې پروژو پلي کول ستر ګام وبله، هغه وویل بیارغونه چې په هره اندازه وي خلکو ته یې ګټه رسیږي ((موږ کوښښ کوو دې ولایت کې د موسساتو او حکومت په بودیجه مرکز او ولسوالیو کې ډیرې پروژې پلي کړو، ترڅو هم وطن جوړ او هم خلکو ته د کار زمینه برابره شي.)) د ښاروالۍ د مشورتي بورډ معاون حاجي حفیظ الله همکار د ښاروالۍ وروستي فعالیتونه وستایل، نوموړي وویل د ښاروالۍ له لوري په دې وروستیو کې د بیارغونې کارونه په چټکۍ روان دي، هغه همداراز له ښاریانو غوښتنه وکړه چې د ښار پاک چاپېریال ساتنه کې له ښاروالۍ سره همکاري وکړي د یادونې وړ ده چې د ښاروالۍ په پیل شویو پروژو کې تر دې دمه شاوخوا ۴۰۰ کسان په روز مره ډول په کار بوخت دي ۱۴۰۳/۸/۸ #د_مهترلام_ښاروالۍ_رسنیز_دفتر

تازه خبرونه

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

پنجشنبه ۱۴۰۴/۹/۶ - ۸:۰
Background image

په مهترلام ښار کې د نوي بېرغونو د لګولو بهیر پيل شو

د مهترلام ښاروالۍ د ښاري حکومتولۍ آمریت د ښار د ښکلا او ملي نښو د درناوي په موخه په مهترلام ښار کې د زړو بېرغونو د راټولولو او د نویو بېرغونو د لګولو چارې پیل کړي دي 

د دې پروسې په لړ. . .

چهارشنبه ۱۴۰۴/۹/۵ - ۹:۴۱
Background image

د ښاري حکومتولۍ آمریت له لوري په دویم ګذر کې د پاک چاپېریال ساتنې په موخه عامه پوهاوی ورکړل شو

د مهترلام ښاروالۍ د ښاري حکومتولۍ آمریت ترچتر لاندې د مطبوعاتو او عامه پوهاوي مدیریت له لوري د پنځمې ناحيې اړوند دویم ګذر اوسیدونکو ته د پاک چاپېریال ساتنې په موخه عامه پوهاوی ورکړل شو

. . .

BACK TO NEWS