له بیوزلو سره د مرستی په لړی کی

نن شنبه کرونا ويروس ځپلو ته د مرستو رسيدو په موخه له جوړ شوي خیريه صندوق څخه 443 هغو لاسي پلورونکو سره چې د ښار له تړلو سره یې کراچۍ او کار بند شوی, له هر یوه سره 2500 افغانۍ مرسته وشوه.
مهترلام ښاروال د مرستو د ویش له پروسې څخه څارنه کوی , په وینا یې خیریه صندوق ته نږدې پینځه میلیونه افغانۍ مرستې راټولې شوي,چې اړمنو او متضررو غریبو خلکو ته یې ویش جریان لري.
د مهترلام ښاروال د معلوماتو لمخې:
دغه مرستې د یوه شفاف میکانیزم لمخې د ګډې کمیټې چې په ترکیب کې يې ولایت مقام,ولایتي شورا,علماو شورا,ولسې مشران,د ښاروالۍ مشورتي بوردونو استازي او د دې ولایت ځوانان شامل دي,ویشل کېږي.

مهترلام ښاروال وایي:
د اړمنو او متضررو تشخیص د ښار اصنافو او د دې ولایت بااحساسه ځوانانو کړی,چې اوس مهال ورسره مرستې شروع شوي.
د یادونی وړ دی چی  له خیریه صندوق تېره پنجشنبه 350 تنو لاسي پلورونکو چې د ښار قرنطین سره یې کارو بار بند دی مرسته شوې وه.
بل دا چې غریبو متضررو لاسي پلورونکو او اړمن خلک چې اصنافو او ځوانانو تشخیص کړي او ولایت مقام منظور کړي په نوبت به مرسته ورته ورسیږي.

۶/۲/۱۳۹۹

د مهترلام ښاروالی