مهترلام ښاروال مجاهد رحمت زي، د لغمان ولايت د ايزيکار یا کارموندنې پروګرام د مسولينو په ملتیا د ښاروالۍ مشورتي بورډ سره ناسته وکړه
په دې ناسته کې مهترلام ښاروال د بورډ استازو ته هرکلی ووایه او مهترلام ښاروالۍ سره يې د دوی د همکارۍ له امله يې مننه وکړه.
ښاروال د کارموندنې پروګرام اړوند د مشورتي بورډ غړو ته معلومات ورکړل او د کارموندنې پروګرام يې د مهترلام ښار لپاره يو ښه خدماتي فرصت یاد کړ.
ورپسې د کارموندنې پروګرام مشر مشعل شېرالله قیومي د خپلو ترسره کړو چارو په اړه د ښاروالۍ مشورتي بورډ غړو سره خپل ګزارش شريک کړ او په یو شمېر برخو کې يې د مشورتي بورډ مرسته وغوښتله.
د مهترلام ښاروالۍ مشورتي بورډ غړو د مهترلام ښاروالۍ له مقام څخه مننه وکړه، چې په مهمو مسايلو کې د دوی مشورو ته لومړيتوب ورکوي او د دوی نظريات مهم ګڼي.
مشورتي بورډ د کارموندنې پروګرام هرکلی وکړ او نوموړي پروګرام سره يې د زياتې همکارۍ ژمنه وکړه.
۱۴۰۰/۲/۲۸
