په لومړۍ ناحیه کې د دارالمعلمین په مسیر د سرک قیر اچونې چارې په چټکۍ روانې دي

web_admin
پنجشنبه ۱۴۰۳/۱۲/۲۳ - ۸:۴۱
د دارالمعلمين سرک کارونه

د مهترلام ښاروالۍ له داخلي بودجې د څه باندې نهه میلیونه افغانیو په ارزښت د لغمان دارالمعلمین په مسیر د سرک قیر اچونې چارې په معیاري او مسلکي توګه په چټکۍ روانې دي، چې نن مهترلام ښاروال الحاج مولوي رحمت الله شهامت چې د ښار او کور جوړونې رئیس او د ښاروالۍ د لومړۍ ناحيي مدیر ملا عباس ابراهیمي یې ملتیا کوله د یادې پروژې له کارونو څخه یې لیدنه او څارنه وکړه
ښاروال د پروژې مسؤل باندې د ښه معیاري او اساسي کار کولو ټینګار وکړ او وې ویل چې دوی به وخت پر وخت د یادې پروژې له روانو چارو څخه لیدنه کوي
د ګلوبل اپرېشن شرکت مسؤل انجنیر امام ستانکزي د ښاروال ترڅنګ ټولو لغمانیانو ته ډاډ وکړ چې کارونه په معیاري او مسکلي شکل د مهترلام ښاروالۍ او ښار او کور جوړونې ریاست د باتجربه انجنیرانو په شتون کې روانې دي
همداراز نوموړي وویل، چې د مهترلام ښاروالۍ په دغه پروژه کې ورسره ۵۰ کسانو ته د کار کولو زمینه هم برابره شوې ده
یاد سرک چې ۱۱۶۰ متره اوږدوالی او ۷ متره پلنوالی لري په شاوخوا یوه اوونۍ کې به یې د قیر اچونې کارونه بشپړ شي

تازه خبرونه

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS