په مهترلام کې د ګلدانونو د منظمولو او خړوبولو چارې هره ورځ د پلان له مخې ترسره کېږي
د مهترلام ښاروالۍ د تنظیف او سرسبزۍ مدیریت له لوري د ښار د پارکونو، ګلدانونو د منظمولو او خړوبولو چارې د ځانګړي پلان له مخې په منظم ډول هره ورځ ترسره کېږي
نن د یاد مدیریت مامور انجنیر ریحان الله اریان د مهترلام ښاروال الحاج مولوي رحمت الله شهامت د ځانګړې لارښوونې پر بنسټ له روانو چارو نږدې لیدنه وکړه، نوموړي د ترسره شویو کارونو کیفیت وارزاوه او اړوندو کارکوونکو ته یې د لا زیاتې پاملرنې سپارښتنه وکړه
ریحان الله اریان له ټولو ښاریانو غوښتنه کوي چې د ګلدانونو او شنو ساحو په ساتنه کې ورسره همکاري وکړي
د یادونې وړ ده چې د ښاروالۍ د سرسبزۍ او تنظیف مدیریت هڅه کوي د خلکو په همکارۍ د ښار د ښکلا او زرغونتیا په برخه کې لا ډېر پرمختګونه رامنځته کړي
