ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې مشري یې مهترلام ښاروال الحاج مولوي رحمت الله شهامت کوله، د ښاري حکومتولۍ امر حاجي عباس عمري، د لومړۍ، دویمې او پنځمې ناحيې مدیرانو، د لومړۍ امنیتي حوزې آمر قاري جنت ګل او د اصنافو رئیس حاجي محمد طالب خپلواک په ملتیا یاد کمېسیون ترسره شو
 کمېسیون د ښار بېلابیلو ساحو کې هغه دوکاندارانو او هټیوالو چې په غیرې قانوني توګه په ترپالونو، چترۍ ګانو او نور شیانو باندې پلې لارې بندې کړې وې د ښاریانو پرمخ خلاصې کړې
مهترلام ښاروال الحاج مولوي رحمت الله شهامت وویل، چې یوه اوونۍ وړاندې ټولو دوکاندارانو او د هټیو صنفونو مشرانو ته خبر ورکړ شوی وو، ترڅو پلې لارې خلاصې کړې، دا چې دوی بیا هم سرغړونه کړې وه نو د ښاریانو د شکایتونو پر اساس نن کمېسیون ترسره شوه چې ټولې لارې په بشپړ ډول خلاصې شوې
همداراز ښاروال ټولو دوکاندارانو او هټیوالو ته خبرداری ورکړ چې د پلو لارو خلاصون ته په جدي توګه پام وکړي، که هر چا لاره بنده کړه قانوني چلند ورسره کېږي چې بیا حق د شکایت نه لري
د یادونې وړ ده چې له دې وروسته به یاد کمېسیون په دوامداره توګه په مهترلام ښار کې خپل فعالیتونه کوي او سرغړونکو سره به قانوني چلند کېږي