د مهترلام ښار ګذر وکیلانو سره د معرفت او همغږۍ ناسته ترسره شوه
مهترلام ښاروال الحاج مولوي نظر محمد عتیق چې د ښاري حکومتولۍ آمر حاجي عباس عمري یې ملتیا کوله د ښار د بېلابېلو ګذرونو له وکیلانو سره د معرفت او همغږۍ ناسته ترسره کړه
یاده ناسته د ښاري حکومتولۍ آمریت له لوري تنظیم شوې وه، چې په پیل کې ګذر وکیلانو ځانونه معرفي کړل او ښاروال ته یې د نوې دندې مبارکي وړاندې کړه
دوی له ښاروال څخه وغوښتل، چې د مهترلام ښار د آبادۍ او سمسورتیا لپاره لا زیاتې هڅې وکړي
مهترلام ښاروال د وکیلانو هرکلی وکړ او ښاروالۍ یې د ټولو ګډ کور وباله
نوموړي وویل، ګذر وکیلان د ولس او حکومت ترمنځ د اړیکو مهم پُل دی او کولای شي د خلکو ستونزې راټولې او په مستقیم ډول یې د حل په موخه له ښاروالۍ مقام سره شریکې کړي
د مجلس په پای کې ښاروال له ګذر وکیلانو وغوښتل، چې په خپلو سیمو کې بې سرپرسته او یتیمو ماشومانو ته ځانګړې پاملرنه وکړي او د هغوی ستونزو ته جدي رسیدنه وکړي
