د مهترلام ښار له قصابانو څخه جدي څارنه وشوه
مهترلام ښاروال الحاج مولوي نظر محمد عتیق د لومړۍ ناحیې مدیر ملا عباس ابراهیمي په ملتیا د ښار په بېلابېلو سیمو کې له قصابانو څخه څارنه ترسره کړه
ښاروال له قصابانو وغوښتل، چې غوښه یوازې د کرهنې او مالدارۍ ریاست د وترنري ډاکټر له تائید وروسته وپلوري، او ټینګار یې وکړ چې هر څوک چې له دې اصولو سرغړونه وکړي، له قانوني چلند سره به مخ شي
نوموړي همداراز هدایت وکړ، چې ټول قصابان دې د حفظ الصحې معیارونو ته په کتو شیشهخانه جوړه کړي او غوښه دې په منظم او خوندي ډول په هماغه ځای کې وساتي، ترڅو د ککړتیا مخه ونیول شي او د ښاریانو روغتیا خوندي پاتې شي
