د تنظیف زیارکښو کارکوونکو له لوري د سراج باغ ویاله پاکه شوه
د مهترلام ښاروالۍ د تنظیف زیارکښو کارکوونکو له لوري د مهترلام ښار د لومړۍ ناحیې اړوند د سراج باغ ویالې د پاکولو چارې ترسره شوې
یاده چاره د مهترلام ښاروال الحاج مولوي نظر محمد عتیق د ځانګړې لارښونې پر بنسټ ترسره شوه، چې په ترڅ کې یې له ویالې څخه کثافات، خځلې او خټې وایستل شوې او د اوبو بهیر عادي حالت ته راوګرځېد
د مهترلام ښاروالۍ د تنظیف او سرسبزۍ مدیر حاجي شفیع الله نیازي چې په یاده ساحه کې یې شتون درلود وې ویل، د ویالو پاکول د ښار د پاکوالي، د اوبو د منظم جریان او د چاپېریال ساتنې لپاره مهم رول لري، او دا ډول فعالیتونه به دوام ولري
یاده دې وي چې د ښاروالۍ د تنظیف زیارکښ کارکوونکي شپه ورځ د ښار د پاکوالي او نظم لپاره هڅې کوي
