د مهترلام ښار د ګلدانونو د اوبه کولو چارې په ورځني ډول د پلان له مخې ترسره کېږي
د مهترلام ښاروالۍ د تنظیف او زرغونتیا مدیریت زیارکښ کارکوونکي د ټاکل شوي پلان له مخې هره ورځ د ښار ګلدانونه د ټانکرونو په وسیله خړوبوي، ترڅو ګلان، نیالګي او زینتي بوټي زرغون او تازه وساتل شي
په همدې لړ کې د زرغونتیا مامور ریحان الله اریان د یادو فعالیتونو څخه نظارت ترسره کړ او اړوندو کارکوونکو ته یې سپارښتنه وکړه، چې د ګلدانونو، نیالګیو او زینتي بوټو د اوبه کولو چارو ته ځانګړې پاملرنه وکړي، ترڅو د ښار زرغونتیا او ښکلا خوندي پاتې شي
د یادونې وړ ده، چې مهترلام ښاروالۍ د ښار د زرغونتیا، ښکلا او پاک چاپېریال د ساتنې په موخه هره ورځ د پارکونو، ګلدانونو او نیالګیو د خړوبولو او پالنې چارې ترسره کوي
