د ګډې همغږۍ او د کارونو د چټکتیا په موخه اداري ناسته ترسره شوه.

ناپیژنده (not verified)
چهارشنبه ۱۳۹۹/۱۲/۶ - ۹:۲۴
شاروالی مهترلام

یاده ناسته د قران عظیم الشان په مبارکو ایاتونو سره پیل او د پرانستې وینا مهترلام ښاروال ښاغلي مجاهد رحمت زي وکړه.

په سر کې مهترلام ښاروال په اداره کې د کاري چټکتیا، د ګډې همغږۍ د رامنځته ته کولو ترڅنګ د نواحیو مدیرانو ته سپارښتنه وکړه، ترڅو په نواحیو کې د کارموندنې د برنامې د عملي کولو لپاره ژر تر ژره طرحه جوړه کړي، په ټولو نواحیو کې لومړیتوبونه مشخص کړي او د ولسونو ستونزو ته پر وخت رسېدنه وکړي.

مهترلام ښاروال په خپلو خبرو کې وویل: د نواحیو مدیران مکلف دي چې پلاني او غیر پلاني ساحو ته خاصه پاملرنه وکړي، د غاصبینو مخه ونیسي او د خپل سري کارونو په مخنیوي کې چټک ګامونه واخلي.

وروسته له اجنډا سره سم د مهترلام ښاروالۍ امرینو، مدیرانو خپل کاري راپورونه مهترلام ښاروال سره شریک کړه او د ولسونو د ښه چوپړ ترڅنګ یې د ګډ کار ډاډ ورکړ.

په ورته مهال د نواحیو مدیرانو هم د خپلو نواحیو ولسي ستونزې، وړاندیزونه له مهترلام ښاروال سره شریک کړه.

پای کې د کارونو د چټکتیا په موخه یو لړ تصامیم ونیول شول او ناسته په دعا پای ته ورسېده.

۱۳۹۹/۱۲/۰۳

#مهترلام_ښاروالۍ_مطبوعاتي_څانګه

تازه خبرونه

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS