د سیمه ییزو ارګانونو خپلواکې ادارې په لارښوونه او د ارشاد حج اوقاف ریاست سره په همغږۍ، مهترلام ښاروالۍ لومړۍ ناحیې اړوند خالد بن ولید جامع مسجد کې ( جماعت په جماعت د ښاري فرهنګ پياوړتيا) تر عنوان لاندی خلکو ته عامه پوهاوی ورکړل شو
د نوموړي مسجد خطیب مولانا عطاء محمد حقاني د مهترلام ښاریان، د ځان د پاکوالي ترڅنګ د ښار نظافت ته، د لارو څخه د ناپاکو او مضر ه شیانو لرې کولو، د عامه تاسیساتو ساتنې او د ښاري فرهنګ او پرمختګ پياوړتيا اړوند يې اسلامي لارښوونې له ښاريانو سره شريکې کړې او د پورته یادو شوو برخو پياوړتيا لپاره يې عام وګړي وهڅول.
مولوي صاحب حقاني پاکوالی د ایمان یوه څانګه وباله، ددې ترڅنګ ښاغلي حقاني وویل، چې مهترلام ښار زمونږ د کور حیثیت لري او د کور په پاکوالي کې د کورنۍ هر غړی مکلف دی، چې د نظافت خیال وساتي؛ ترڅو د یو پاک او ستره ښار څښتنان شو
