د‌ لغمان ورزشکارانو ‌ټولنې په ‌نوښت‌ د واليبال پنځه ورځنۍ دوستانه سيالۍ، چې مهترلام‌ ښار کې د ۹ بېلابېلو لوبډلو ترمنځ پيل شوې وه پای ته ورسېده

ناپیژنده (not verified)
شاروالی مهترلام

دغه ‌سيالي لومړی د اتو لوبډلو ترمنځ وشوه، چې پای لوبه کې د ښاروالۍ او د نانکزيو لوبډلو ترمنځ لوبه وشوه، چې وروستۍ لوبه د ښاروالۍ لوبډلې په ګټه تمامه شوه او د لوبې کپ يې ترلاسه کړ.

د پای مراسمو کې د مهترلام ښاروالۍ د ښاري حکومتولۍ امر بختيار حسين خېل، د ورزشکارانو ټولنې مشر استاد احمد شاه صديقي، ددې ترڅنګ يو شمېر نورو ګډونوالو خبرې وکړې.

ښاغلي ‌حسين خېل د ښاروالۍ لوبډله او نور ورزشکاران وهڅول، ترڅو د ورزش له لارې خپلې ټولنې ته مثبت پيغامونه ورکړي او ددې ترڅنګ خپل ځان او عامو خلکو ته د تفريح زمينه برابره کړي.

حسين خېل وړاندې وويل، چې موږ ته ټول ورزشکاران مهم دي او په ‌ټولنه کې د دوی رول موږ ته بنسټيز ارزښت لري.

دغه راز د ښاري حکومتولۍ امر بختيار حسين خېل ټول ورزشکاران او ‌د لوبې ننداره کوونکي د کرونا پر ضد مبارزې ته وهڅول ‌او‌ د پای لوبې پر ګډونوالو يې ماسکونه هم ووېشل.

دارنګه ‌په لغمان ولايت کې ‌د‌ بدني روزنې ‌امر استاد بادام ‌ګل‌ ملتزم ‌هم خبرې وکړې، ورزشکاران ‌یې ورزشي اخلاقو ته متوجې کړل، ددې ترڅنګ يې زیری ورکړ، چې له ‌کرونايي‌ حالت ‌وروسته به دا ډول لوبې د بدني روزنې ‌امريت تر چتر لاندې ‌جوړوي او ‌غوره سهولت به ورته ‌برابروي.

ملتزم‌ ورزشکارانو‌ ته لارښوونه وکړه، چې د کرونا مخنيوي په خاطر کلپونو وتړي او تر يو څه وخت پورې دې ورزش ته ادامه نه ورکوي.

په ‌پای کې د ورزشکارانو ټولنې مشر استاد صديقي‌ د کرونا سره د مبارزې ترڅنګ ورزشکاران او د لوبې ګډونوال سولې او يووالي راوستلو ته ‌هم‌وهڅول، ‌د لوبې هدف يې روښانه کړ او ګټوونکو لوبډلو ته يې کپونه هم ورکړل

Latest announcements

چهارشنبه ۱۴۰۴/۹/۵ - ۹:۳۸
Background image

د مهترلام ښاروالۍ خبرتیا

مهترلام ښاروالۍ له ولایت مقام څخه تر کانونو ریاست پورې د کانال او پلچک جوړولو پروژه تطبیق کوي چې شیرزاد دانش  ودانیز شرکت  په داوطلبۍ کې (۶۵۱۲۰۸۵.۳) افغانۍ نرخ ورکولو سره ګټونکی شوی، که . . .

سه‌شنبه ۱۴۰۴/۹/۴ - ۱۱:۱۴
Background image

د مهترلام ښاروالۍ خبرتیا

مهترلام ښاروالۍ غواړي چې د ښاروالۍ په داخل کې د ماشینرۍ او وسایطو د ښې ساتنې په موخه د موټرو تم ځای او د تیلو پمپ لپاره سایه بان جوړ کړي، چې د یادې پروژې لپاره انس لطیفي ودانیز شرکت په . . .

سه‌شنبه ۱۴۰۴/۹/۴ - ۱۰:۵۸
Background image

د مهترلام ښاروالۍ خبرتیا

مهترلام ښاروالۍ غواړي چې په دویمه او درېیمه نواحیو کې اداري تعمیرونه جوړ کړي، هر هغه شرکتونه چې په شرایطو برابر وي او د یاد قرارداد نیولو لیوال وي خپل غوښتنلیکونه دې د اعلان له نشر څخه . . .

Back to announcements