د مهترلام ښاروالۍ د تنظیف زیارکښ کارکونکي د ښه فعالیتونو له امله په نغدي جایزو ونازول شول
د مهترلام ښاروالۍ د لومړۍ ناحيي مدیریت په لارښونه د ښاروالۍ د تنظیف زیارکښو کارکونکو له لوري د مهترلام ښار د ښاري محکمې او ګلچه پزي ترڅنګ د ویالې او د یو پلچک د خلاصیدو چارې ترسره شوې
یاده وېاله د هټیوالو او دوکاندارانو له لوري د ډیرو کثافاتو د غورځیدو له امله بنده شوې وه چې نن په بشپړه توګه د ښاروالۍ د نارنجي لباس لرونکو کسانو له لوري خلاصه شوه
ښاریانو د یاد پلچک او ویالې په خلاصیدو سره خوښي وخوده او له مهترلام ښاروالۍ څخه یې مننه وکړه چې وخت پر وخت د ښار په مختلفو ساحو کې د پاک چاپېریال ساتنې په موخه فعالیتونه کوي
همداراز د یو شمېر ښاریانو له لوري د ښاروالۍ د تنظیف زیارکښ کارکونکي د ښه فعالیتونو له امله په نغدي جایزو هم ونازول
د یادونې وړ ده چې د مهترلام ښاروالۍ د تنظیف کارکونکي هره ورځ د سهار له ۷ بجو څخه تر مازیګر ناوخته پورې د مهترلام ښار په پنځه واړه ناحیو کې خپل فعالیتونه کوي او خلکو لپاره پاک چاپېریال برابروي
