د مهترلام ښاروالۍ د ښاري انظباطاتو لپاره نوی مدیر معرفي شو
د چارو ادارې لوی ریاست د ۲۴۵۵ شمېرې حکم پر اساس، انتظار د نور الله زوی د مهترلام ښاروالۍ د ښاري انظباطانو د مدیر په توګه وټاکل شو او نن رسماً معرفي شو
د نوموړي د معرفت په مراسمو کې د مهترلام ښاروالۍ یو شمېر آمرینو، د لومړۍ ناحیې مدیر او ګڼ شمېر مامورینو ګډون کړی و
د مراسمو پر مهال د ښاروالۍ آمرینو، مدیرانو او مامورینو نوي مدیر ته د مبارکۍ مراتب وړاندې کړل او په چارو کې یې ورته د بریالیتوب هیله څرګنده کړه
په ورته وخت کې، نوي ټاکل شوي مدیر انتظار ډاډ ورکړ، چې د خپلې دندې مسئولیتونه به په پوره اخلاص، ایماندارۍ او ژمنتیا سره ترسره کوي او شپه او ورځ به د ښاري نظم او خدماتو د ښه والي لپاره هڅې کوي
