د مهترلام ښاروالۍ له لوري د بیارغونې کارونه په چټکۍ روانې دي چې ډیری خلکو ته پکې د کار زمینه برابره شوي ده
د مهترلام ښار په مختلفو ساحو کې د مهترلام ښاروالۍ له داخلي بودجې د بیارغونې کارونه په منظم شکل روان دي چې ډیری خلکو ته پکې د کار کولو زمینه برابره شوې ده
کاریګر د ښاروالۍ له ریاست مقام څخه مننه کوي چې په خپل وطن کې یې ورته د کار کولو زمینه برابره کړې ده
دوی وايي، موږ خوشاله یو، په خپل وطن کې کار کوو او خپلو اولادونو ته حلال رزق ګټو
یاد کاریګر، مهترلام ښاروالۍ څخه د ورته نورو کارونو د پیلیدو غوښتنه کوي
د یادونې وړ ده چې په مهترلام ښار کې به نږدې ورځو کې د ښاروالۍ له لوري یو شمیر نورې د بیارغونې پروژې هم شروع شي چې ډیری نورو خلکو ته به هم پکې د کار کولو زمینه برابره شي
