د مهترلام ښار د ښاري ساحې د ۵۲ ونو د پلورلو مزایده ترسره شوه
د مهترلام ښاروالۍ د تعین شوي کمیټې په حضور کې د مهترلام ښار د لومړۍ ناحيي اړوند ښاري ساحه کې د ښاروالۍ د ۵۲ ونو د پلورولو مزایده ترسره شوه چې زمری د الله محمد زوی د ۱۲۰ زره افغانۍ نرخ ورکولو سره ګټونکی وشمېرل شو
یاده مزایده د تدارکاتو د قانون مطابق د مهترلام ښاروالۍ مالي او اداري امریت کې د ۸ داوطلبانو ترمنځ ترسره شوه، چې زمری خان پکې د ډیر نرخ ورکولو له امله ګټونکی اعلان شو
نوموړی به د ونو له پرې کولو وړاندې د مهترلام ښاروالۍ بانکي اکاونټ ته ۱۲۰ زره افغانۍ عواید ور اضافه کوي او بیا به ورته د ونو پرې کولو اجازه کېږي
د یادونې وړ ده چې له یادې مزایدې وړاندې ټولو داوطلبانو ته د ونو پرې کولو په اړه چې کومه شرط پاڼه جوړه شوې وه تشریح کړل شوه، ترڅو د یادې شرط پاڼې مطابق خپل چاره ترسره کړي
