له مهترلام ښار څخه د کثافاتو انتقال چارې ترسره شوې
د مهترلام ښاروالۍ د تنظیف ډلې کارونه په منظم شکل د پلان له مخې ترسره کېږي چې نن یې د مهترلام ښار په مختلفو برخو کې سرکونه، لارې، کوڅې، پلچکونه او ویالې پاکې کړې او کثافات یې ترې راټول کړل
د مهترلام ښاروالۍ د تنظیف پرسول هره ورځ د سهار له ۷ بجو څخه تر مازیګر ناوخته پورې د مهترلام ښار په پنځه واړه ناحيو کې خپل فعالیتونه کوي او کثافات راټولوي
د مهترلام ښاروالۍ رهبري له ټولو ښاریانو څخه غوښتنه کوي چې د ښار په پاک چاپېریال ساتلو کې له ښاروالۍ سره همکاري وکړي، کثافات د ښاروالۍ له لوري په لګول شویو کثافت دانیو کې واچوي ترڅو د ښاروالۍ د تنظیف ډله یې یو لرې ځای ته انتقال او دفن کړي
