مهترلام ښاروال د لوړ پوړیزو ودانیو مالکانو سره ناسته وکړه
مهترلام ښاروال الحاج مولوي رحمت الله شهامت د مهترلام ښار د لوړ پوړیزو ودانیو مالکانو سره د لغمان د آبادۍ او سمسورتیا په موخه ناسته وکړه او دوی یې تشویق کړل تر څو په مهترلام ښار کې د بیا رغونې کارونه پیل کړي.
همداراز ښاروال د لوړپوړیزو ودانیو مالکانو څخه غوښتنه وکړه چې خپل اسنادونه د ښاروالۍ ریاست مقام ته د کتلو په موخه راوړي، تر څو یې اسناد ته په کتو د کار کولو اسانتیاوې ورته برابرې شي
د لوړ پوړیزو ودانیو مالکانو له ښاروال ښاغلي شهامت څخه مننه وکړه چې د مهترلام د ابادۍ او سمسورتیا لپاره نه ستړې کیدونکي هلې ځلې کوي
دوی له ښاروال څخه د همکارۍ تر څنګ نوموړي ته ډاډ ورکړ چې ډیر ژر به په مهترلام ښار کې د بیا راغونې کارونه پیلوي
۱۴۰۲/۱۱/۹
د_مهترلام_ښاروالۍ_د_مطبوعاتو_دفتر
