په دویمه ناحیه کې د ۲۸۰ متره په اوږدوالي د سړک غاړې د ویالو د کانکریټ اچونې چارې ۹۰% سلنه بشپړې شوي دي
د مهترلام ښاروالۍ له لوري د لغمان د کډوالو چارو ریاست ترڅنګ په دویمه ناحیه کې د سړک غاړې د ویالو د کانکرېټ اچونې چارې ۹۰ سلنه تکمیل شوي، چې نن مهترلام ښاروال الحاج مولوي رحمت الله شهامت له یادو کارونو څخه لیدنه وکړه
ښاروال د پروژې مسؤلینو باندې د ښه معیاري او اساسي کار کولو ټینګار وکړ او ترې یې غوښتنه وکړه چې پاتې کارونه هم ډیر ژر ترسره کړي
دغه پروژه چې د مهترلام ښاروالۍ له داخلي بودجې ترسره کېږي د ۱۴۰ متره په اوږدوالي او د ۱۴ متره په پلنوالي د سړک کانکریټ اچول او دواړه خواوو ته ویالې جوړول شامل دي، چې اوس مهال د ویالو چارې یې ۹۰ سلنه بشپړې شوي او ډیر ژر به یې د سرک کانکرېټ اچونې چارې هم پیل شي
د یادونې وړ ده چې په دغه پروژه کې په ورځني ډول شاوخوا ۲۵ کسانو ته د کار کولو زمینه هم برابره شوې ده
