د نوبتي پلان له مخې د مهترلام ښاروالۍ د تنظیف ډلې له لوري د علینګار د عمومي سړک صفايي ترسره شوه
نن د مهترلام ښاروالۍ د تنظیف کارکوونکو له لوري د لومړۍ ناحيې اړوند له ښار څخه تر شیخانو کلا پورې د علینګار د عمومي سړک د ویالو، پلچکونو، او د پلو لارو صفایي ترسره شوه
په یاده صفایي کې هغه پلچکونه او لارې چې د کثافاتو له امله بندې شوې وې، کثافات ترې راټول او لارې په منظم شکل خلاصې شوې
یاده دې وي چې د مهترلام ښاروالۍ د تنظیف ډله هره ورځ د سهار له ۷ بجو څخه تر مازیګر ناوخته پورې د مهترلام ښار په مختلفو برخو کې خپل فعالیتونه کوي او کثافات راټولوي
