د سرسبزۍ مدیریت له لوري د ګلدانونو منظم خړوبول دوام لري
د مهترلام ښاروالۍ د تنظیف او سرسبزۍ مدیریت له لوري د مهترلام ښار د زرغونتیا او ښې منظرې د خوندي ساتلو په موخه، د تنظیم شوي پلان له مخې، هره ورځ د ښار په مختلفو برخو کې د سړک غاړو، څلور لارو او عامه ځایونو ګلدانونه د اوبو ټانګرونو له لارې خړوبیږي
یاد مدیریت هڅه کوي چې د ښار زرغونې ساحې او ګلدانونه تازه او شنه وساتي، تر څو د ښاریانو لپاره یو پاک، ارام او ښکلی چاپېریال برابر شي
یاده دې وي چې د ګلدانونو د اوبه کولو چارې هر سهار د پلان له مخې په منظم شکل ترسره کېږي
