د څپرو سیمې اوسېدونکو خپلې ستونزې د حل په موخه له ښاروالۍ سره شریکې کړې
د مهترلام ښار د څلورمې ناحیې اړوند د څپرو سیمې یو شمېر اوسېدونکو او قومي مشرانو خپلې ستونزې او غوښتنې د حل په موخه د مهترلام ښاروالۍ له مسؤلینو سره شریکې کړې
په دې موخه راغلو مشرانو د مهترلام ښاروالۍ له مرستیال الحاج عبداللطیف اخندزاده او د ښاري حکومتولۍ له آمر حاجي عباس عمري سره خپلې ستونزې مطرح کړې
د ښاروالۍ مرستیال الحاج عبداللطیف اخندزاده راغلو مشرانو ته د ښه راغلاست ترڅنګ ښاروالۍ د ټولو ګډ کور یاد کړ او ډاډ یې ورکړ، چې ستونزو ته به یې د امکاناتو او اړوندو اصولو له مخې رسیدنه کوي
د یادونې وړ ده چې مهترلام ښاروالۍ مسؤلین د نورو چارو ترڅنګ د مهترلام ښار د اوسیدونکو ستونزې مخامخ اورې او د حل په موخه اقدامات کوي
