مهترلام ښاروالۍ اداري ناسته.
شنبه (۱۳۹۹/۴/۱۴) د مهترلام ښاروال انجنیر نظیف الله الکوزي په مشرۍ اداري ناسته تر سره شوه.
یاده ناسته د قرانکریم په مبارکو ایاتونو تلاوت سره پیل شوه او د پرانیستې وینا مهترلام ښاروال انجینر نظیف الله (الکوزي ) وکړه، مهترلام ښاروال د ښاروالۍ د کاري چارو د ښه د مدیریت، تنظیم او په اداره کې یې د ښې همغږۍ په تړاو وینا وکړه.
د مهترلام ښاروالۍ د روانو پروژو د پرمختګ، کمیت او کیفیت په اړوند یې سکتوري امریت ته د کارونو د چټکتیا سپارښتنه وکړه او ترڅنګ یې مالي او اداري امریت ته د کارونو د ښه تنظیم په موخه لازم هدایات ورکړل شو.
مهترلام ښاروال په خپلو خبرو کی یادونه وکړه: د ښارنظم او په ښار کې د لاس پلورونکو انتقال د سبزي مارکیت ته چې د مهترلام ښار په یوه څنډه کې موقعیت لري او ټول ښاریان ورته په اسانۍ سره رسیدنه کولای شي، په عملي توګه یې د یاد مارکیټ په انتقال تاکید وکړ ترڅو لاسي پلورونکي هلته په مصون او مطمئین ډول ځای پرځای شي او په ښار کې ګڼه ګوڼه کمه شي او هم ټول ښاریان ورته لاس رسی ولري.
ورپسې د سکتوري او تخنیکي امر د روانو پروژو په اړه مفصل معلومات ورکړل او د نورو پروژو ترڅنګ یې د سلام ځای پارک د ټولنیزو ستونزو د حل او د کارشروع په برخه کی یی مهترلام ښاروال ته ډاډ ورګړ.
وروسته مالي او اداري امریت له لوري د (۱۳۹۹) مالي کال د عوایدو او مصارفو په اړه مجلس ته راپور وړاندې کړل شو، په یاده برخه کې ستونزې مشخصې او بحث پرې وشو او هم د یوې مناسبې حل لارې د موندلو لپاره مالي او اداري امریت ته د جلا مجلس سپارښتنه وشوه.
همدارنګه د څارنې او ارزونې امریت له لوري د (۱۳۹۹) مالي کال د لمړۍ ربعې اړوند د څارنې او ارزونې راپور له مهترلام ښاروال او اداري مجلس سره شریک شو، چی په راپور کی اړوند مدیرانو ته د کارونو د چټکتیا په برخه کې لارښوونې شوي وې، د هغوۍ د لاسته روړنو او هم د ستونزو یادونه شوې وه.
پای کی په پورته موضوعاتو د نظر تبادله وشوه او لازم تصامیم ونیول شو او دعا سره مجلس پای ته ورسیده.
.
#مهترلام ښاروالی
