په مهترلام ښار کې د نوو بېرغونو د لګولو چارې ترسره شوې
د مهترلام ښاروالۍ د ښاري حکومتولۍ آمریت له لوري په مهترلام ښار کې د زړو بېرغونو د راټولولو او پر ځای یې د نوو بېرغونو د لګولو چارې ترسره شوې
یاد نوي بېرغونه د ښار په درېلارو، چوکونو او نورو مهمو ځایونو کې نصب شول، څو د ښار ښکلا نوره هم زیاته او د ملي ارزښتونو درناوی وشي
د ښاري حکومتولۍ آمر الحاج عباس عمري وویل، چې دغه چاره د مهترلام ښاروال الحاج مولوي نظر محمد عتیق د ځانګړې لارښونې پر بنسټ ترسره شوې ده
نوموړي زیاته کړه، ښاروالۍ تل هڅه کوي چې د بېرغ د درناوي ترڅنګ د ښار ښکلا ته هم ځانګړې پاملرنه وکړي، څو ښاریانو ته منظم او زړه راښکونکی چاپېریال برابر شي
د یادونې وړ ده، چې مهترلام ښاروالۍ د ښار د نظم، زرغونتیا او ښایست لپاره وخت پر وخت ورته فعالیتونه ترسره کوي
