په مهترلام کې د پارکونو د منظمولو او خړوبولو چارې روانې دي
د مهترلام ښاروالۍ د تنظیف او سرسبزۍ مدیریت له لوري د ښار د پارکونو، ګلدانونو د منظمولو او خړوبولو چارې د ځانګړي پلان له مخې په منظم ډول دوام لري، په دې لړ کې د ښار پارکونو ته ځانګړې پاملرنه شوې ده، ترڅو د ښاریانو لپاره یو ښکلی، شین او د استوګنې مناسب چاپېریال برابر شي
نن د یاد مدیریت مامور انجنیر ریحان الله اریان د مهترلام ښاروال الحاج مولوي رحمت الله شهامت د ځانګړې لارښوونې پر بنسټ له روانو چارو نږدې لیدنه وکړه، نوموړي د ترسره شویو کارونو کیفیت وارزاوه او اړوندو کارکوونکو ته یې د لا زیاتې پاملرنې سپارښتنه وکړه
د یادونې وړ ده چې د ښاروالۍ د سرسبزۍ او تنظیف مدیریت هڅه کوي د خلکو په همکارۍ د ښار د ښکلا او زرغونتیا په برخه کې لا ډېر پرمختګونه رامنځته کړي
