د مهترلام ښاروالۍ په مالي لګښت د تیستو ناکامورا تفریحي پارک د لمړي پړاو کارونه بشپړ او ګټې اخستنې ته وسپارل شو
یاد تفریحي پارک د مهترلام ښاروال انجنیر نظیف الله الکوزي سربیره د ولایتي ادارې د رئیسانو، د مهترلام ښاروالۍ د مشورتي بورد د غړو، د قومي مشرانو، د ګذر وکیلانو او ځوانانو په لاسونو ګټې اخستنې ته وسپارل شو.
د مهترلام ښاروال د معلوماتو له مخې: د تیستو ناکامورا تفریحي پارک د لومړي پړاو کارونه د شپږو میاشتو په موده کې، د شپږ نیم میلیونو افغانيو په لګښت په (۲۰) جریبه ځمکه کې د افغان سکوپ ساختماني شرکت لخوا په ښه معیاري، کیفیت او ډیزاین بشپړ، نن د یو شمیر دولتي چارواکو او قومي مشرانو په حضور کې یې کاري چارې پای ته ورسیدې.
مهترلام ښاروال زیاته کړه: تیستو ناکامورا پارک د مهترلام بابا په تفصلي پلان کې شامل ده، چې په دغه پلان کې د امنیتي ځواکونو د شهداؤ ورثه وو ته (۱۸۰۰) استوګنیزې نمرې ویشل شوي دي، نن ورته تفریحي پارک جوړ او لومړی پړاو یې پای ته ورسیده او نور پړاوونه به یې هم ډیر ژر بشپړ او ګټې اخستنې ته به وسپارل شي.
د یادونې وړ ده چې: مهترلام ښاروالۍ د امنیتي ځواکونو شهداو ته پر وخت اجرات کړي، هغوۍ ته یې د استوګنیزو نمرو پر وخت د ویش ترڅنګ، هغوۍ ته د ښو خدماتو وړاندې کولو ژمنه کړې ده.
