مهترلام ښار کې د څه کم ۲ میلیونه افغانیو په ارزښت د برېښنايي تنویري پایو د ترمیم چارې پیل شوې

web_admin
پنجشنبه ۱۴۰۳/۱۰/۱۳ - ۹:۳۱
د تنويري پايو افتتاح

د مهترلام ښاروالۍ د سږکال پروژو په دوام د لومړۍ او پنځمې ناحیو په مربوطاتو کې د ده مَلخ له پله څخه تر قرارګاه پورې د برېښنايي تنویري پایو د ترمیم چارې پیل شوې

د یادې پروژې د پیل په مراسمو کې د لغمان والي شیخ شېر احمد حقاني ترڅنګ مهترلام ښاروال الحاج مولوي رحمت الله شهامت، د بېلا بیلو ادارو رئیسانو، د مختلفو نواحیو ګذر وکیلانو، ښاریانو او ولسي خلکو ګډون کړی وو

مهترلام ښاروال وویل، د یادو تنویري پایو د ترمیم چارې د مهترلام ښاروالۍ له داخلي بودجې د څه کم دوه میلیونه افغانیو په ارزښت ترسره کېږي، چې په دوو میاشتو کې به یې کارونه بشپړ شي

همداراز نوموړي وویل، چې په یاده پروژه کې به په ورځني ډول شاوخوا لس کسانو ته د کار زمینه هم برابره شي

لغمان والي وویل، په لغمان کې د بیارغونې کارونه په منظم شکل په ولسوالیو او مرکز کې روان دي، چې ډیری خلکو ته پکې د کار کولو زمینه برابره شوې ده

د مهترلام ښار اوسیدونکي د ښاروالۍ له فعالیتونو خوشاله دې او وايي، چې د تنویري پایو ترمیم سره په یاده ساحه کې د ترافیکي پیښو مخنیوی کېږي، دشپې له خوا رڼایي پیدا کېږي او د تګ راتګ سهولتونه برابریږي

د یادونې وړ ده چې د تیر کال په پرتله سږکال د مهترلام ښاروالۍ د بیارغونې کارونه زیات شوي چې ډیری خلکو ته پکې د کار کولو زمینه هم برابره شوې ده

تازه ترین اخبار

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS